Udal Biblioteka

KOKALEKUA
Azoka kalea 1
20500-ARRASATE

Tel.: 943252025
Faxa: 943252027

LANGILEAK ETA POSTA ELEKTRONIKOAK:
Mertxe Perez de Ciriza (arduraduna)
e-posta: biblioteka@arrasate-mondragon.net
Asun Agiriano (haur biblioteka)
e-posta: haurbiblioteka@arrasate-mondragon.net
Adela Bikandi (helduen biblioteka, fonoteka, internet)
e-posta: helduenbiblioteka@arrasate-mondragon.net
Nerea Mendizabal (Santa Marinako Auzo Biblioteka)
e-posta: auzobiblioteka@arrasate-mondragon.net
Ane Miren Berasategi: (harrera eta mailegua)
e-posta: kulturate@arrasate-mondragon.net
Olatz Bartolome (Liburutegien arteko mailegua, hemeroteka, bideoteka)
e-posta: lam@arrasate-mondragon.net
Uxue Landa (informatika gela)
e-posta: igela@arrasate-mondragon.net

___________________________________________________ ZERBITZUAK:

HELDUEN BIBLIOTEKA

Bilduma: 33.000 liburu, 3.000 bideo, 1.600 CD eta 700 CD-Rom inguru dauzkagu. (2007ko ekaina)
Kontsulta eta erreferentzia:Bildumaren katalogoa ordenadore bidez kontsulta dezakezu bibliotekan bertan eta interneten ere Euskadiko Liburutegien Sistema Nazionaleko (ELSN) http://www.liburutegiak.euskadi.net/katalogobateratua orrian, Arrasateko Udal Biblioteka aukeratuz.
Hemeroteka:

Egunkariak: Berria, Deia, Gara, El Correo, El Diario Vasco, Noticias de Gipuzkoa, El País, El Mundo, Cinco Días. Azkeneko urteko egunkariak artxibatuta dauzkagu.

Aldizkariak: Gai ezberdineko 200 aldizkari inguru dauzkagu.

Bideoteka: Helduentzako filmeak eta dokumentalak. Maileguan eraman edota bibliotekan bertan ikusteko aukera duzu.
Fonoteka: Maileguan eraman edota bibliotekan bertan entzun ditzakezun musikako CD, DVD, aldizkari eta liburuek osatzen dute sail hau. Musika klasikoa, Euskal musika, jazz eta soul, Rock eta pop eta Bestelako musikak ataletan sailkatuta daude.
Internet: Ordenadoreak ditugu internetara kondektatu eta zure lanak egiteko ofimatikako oinarrizko programekin. Bibliotekako bazkide txartela beharrezkoa da egunero ordu betean zehar zerbitzu hau erabiltzeko.
Wifi: Zure ordenadore eramangarria erabili nahi baduzu internetera konektatzeko WiFi zerbitzua eskaintzen dugu.
Mailegua

Mailegu pertsonala: Gehienik ere 3 liburu, 2 aldizkari, 2 bideo eta 2 CD edo CD-ROM eraman ditzakezu maileguan. Liburuentzako epea 15 egunetakoa da, beste 15 egunerako berriztu daitezkeelarik. Beste materialentzako epea 7 egunetakoa ezin direlarik berriztatu.

Mailegu kolektiboa: Ikastetxeek eta bestelako erakundeek dokumentu kopuru eta epeetan mailegu baldintza bereziak dauzkate.

Biblioteken arteko mailegua: Eskatutako eta gure bilduman ez dauden dokumentuak lokalizatu eta beste biblioteketan eskatzeko konpromisoa hartzen du bibliotekak. Aldi berean gure dokumentuak beste biblioteken eskura jartzen ditugu.

Tokiko bilduma eta bilduma bereziak: Nolabait Arrasate eta inguruarekin erlazionaturiko dokumentuek osatzen dute tokiko bilduma: liburuak, aldizkariak, liburuxkak, kartelak, bideoak, cd-ak eta beste edozein material. Jose Letona eta Jose Maria Urangaren artxibo pertsonalak eta Juan Carlos Guerraren artxibo mikrofilmatua ere sail honetan daude. Bilduma honen helburua material honen kontserbazioa izanik, Bibliotekan bertan bakarrik kontsulta daiteke.
Ekintzak: Gidak, gomendioak, literatura solasaldiak, ipuin kontaketak, poesia emanaldiak, erakusketak, bisita gidatuak...

Bibliotekako ekintzen berri gure blogean aurki dezakezu:www.arrasatekobiblioteka.blogspot.com

Euskal bibliotekek gomendatzen ditugun liburu, musika eta filmak helbide honetan kontsulta ditzakezu:http://www.muskiz-liburutegia.org/biblioteca/Sindikazioa/bateginik.php

Fotokopia zerbitzua: Bibliotekan bertan eskuragarri duzun aurreordaindutako txartela beharrezkoa da zerbitzu hau erabiltzeko.

HAUR ETA GAZTEENTZAKO ZERBITZUAK

Haurtxoteka: 0-6 urte bitarteko haurrentzat, gurasoek lagunduta.
Haur eta Gazte Biblioteka:6-16 urte bitartekoentzat.
Fondoa:Kontsultak egiteko liburuak eta maileguan eraman daitezkeen irakurketa liburuak, aldizkariak, CDak, CD-Romak eta bideoak.
Internet: Ordenadoreak inpresorarekin dauzkagu internetara konektatu edota lanak egiteko.
Ekintzak: Ipuin kontaketak, hitzaldiak, erakusketak...
Bisita gidatuak: Arrasate eta inguruko ikastetxe eta bestelako erakundeekin batera adostutako bisitak antolatzen ditugu.

BESTE INFORMAZIO ZERBITZU BATZUK

Bibliotekak lana bilatzen laguntzen dizu. Jatorri ezberdinetako lan eskaintzak: egunkariak, Lanbide, INEM, IVAP (administrazioen lan eskaintzak) kontsultagai dauzkazu.

BIBLIOTEKAKO BAZKIDE IZATEKO

Arrasateko Udal Biblioteka Euskadiko Liburutegien Sistema Nazionalaren (ELSN) barne dago. Beraz, gure bibliotekako bazkide izanez gero ELSN barruan dauden udal biblioteka guztietako bazkidea izango zara.

Bazkide txartela eskuratzeko:

0-15 urte bitartekoa bazara bibliotekan bertan bete beharko duzu inprimaki bat
16 urtetik gorakoa bazara NAN edo EHNA aurkeztu beharko duzu

Arrasateko Bibliotekan txartel digitala edo herritarren txartela eskaintzen dugu, zeinek internet bidez administrazioarekin gestioak egitea ahalbidetzen duen. Herritarren txartela eskuratzeko beharrezkoa da NAN aurkeztea.

___________________________________________________ EGUTEGIA / ORDUTEGIA

Helduen biblioteka:
Goizean 10:00 - 13:00
Arratsaldean 16:00 - 20:30
Zapatuetan 10:00 - 13:00

Haur eta gazte biblioteka:
Arratsaldean 16:30 - 20:00
Zapatuetan 10:00 - 13:00