ALKATEAREN ERABAKIA

Alkateordeak izendatzea

Toki Araubidearen Oinarriak arautzen dituen apirilaren 2ko 7/1985 Legeko 21.2 eta 23.3 artikuluek eta Udal Entitateen Antolakuntza, Funtzionamendu eta Erregimen Juridikoari buruzko Erregelamendua onartuz azaroaren 28ko 2568/1986 Errege Dekretuko 41.3 eta 46 artikuluek ematen dizkidaten eskuduntzak erabiliz,

ERABAKI DUT

Lehen: Hemen zehazten diren zinegotziak alkateorde izendatzea, erabakian jasotzen den ordenan eta indarrean dagoen erregelamenduak ematen dizkien eskuduntza eta prerrogatiba guztiekin:

• Lehenengo alkateordea: Oihana Aranburu Iriarte
• Bigarren alkateordea: Ander Rodriguez Lejarza

Bigarren: Erabaki honen berri ematea dagozkien zinegotziei. Udalbatzarra jakinaren gainean jar bedi haren lehenengo bileran eta argitara bedi Gipuzkoako Aldizkari Ofizialean eta Udaletxeko Iragarki Taulan.

Hirugarren: Dekretu hau Alkatetzako Erabakien Liburuan transkribatu behar da eta eragina izango du duen dataren hurrengo egunetik aurrera.

                        Arrasaten, 2007ko uztailaren 19an

                                        ALKATEA